Ibrahimoviq, lojtari që luan futboll nga vitet e 90-ta

Read Time:1 Minute, 3 Second

Zlatan Ibrahimoviqi luajti ndeshjen e tij të parë te Milani në përvojën e tij të dytë si kuqezi.

Ajo ndaj Sampdorias rezulton të jetë e para për të edhe në dekadën e re. Nga Malmoe, në vitin 1999, te “Djalli” në 2020, Zlatani është një legjendë e gjallë që prek 4 dekada në futbollin profesionist: në vitet 1990, 2000, 2010 dhe tani, në vitet 2020.

Dekada e parë identifikohet me skuadrën e tij të vendlindjes, Malmoe. Dekada e dytë përfshin eksperiencën e tij tek Ajaxi, Juventusi dhe Interi. Dekada e tretë nënkupton fanellat e Barcelonës, Milanit, PSG dhe LA Galaxy. Dekada e katërt nisi dje, me Milanin, në epokën e dytë të gjigantit suedez me fanellën kuqezi.

Ai u duartrokit e brohorit gjatë nga tifozët në “San Siro”, në minutën e 55-të, kur u hodh në fushë, por Milani nuk mundi ta gjente rrugën e golit edhe me të, ndaj një kundërshtari të dorës së dytë. Në eksperiencën e tij të mëparshme në këtë klub, Ibrahimoviq e ndihmoi Milanin të fitojë titullin e Serie A në sezonin 2010-2011. Ky është edhe trofeu i fundit i madh i kuqezinjve. Ai u transferua te PSG, në fund të sezonit vijues./kp

0 0
Happy
Happy
0 %
Sad
Sad
0 %
Excited
Excited
0 %
Sleppy
Sleppy
0 %
Angry
Angry
0 %
Surprise
Surprise
0 %

Leave a Reply

Your email address will not be published. Required fields are marked *

Close